اقدامات نہ کیے تو موسمیاتی تبدیلی کے منفی اثرات سامنے آئیں گے، وزیراعظم

وزیراعظم عمران خان نے کہا ہے کہ دنیا میں بارشیں کم اور گرمی میں اضافہ ہوتا جارہا ہے، پاکستان موسمیاتی تبدیلی سے متاثرہ 10 ممالک میں شامل ہے، اقدامات نہ کیے تو موسمیاتی تبدیلی کے منفی اثرات سامنے آئیں گے۔

اسلام آباد میں تقریب سے خطاب کرتے ہوئے عمران خان کا کہنا تھا کہ مختلف ممالک نے موسمیاتی تبدیلی کو دیر سے سنجیدہ لیا، پاکستان موسمیاتی تبدیلی سے زیادہ متاثر ہوا ہے۔

وزیراعظم عمران خان کے غیرملکی دوروں پر صرف متعلقہ لوگ ساتھ گئے، علی محمد خان

سینیٹ اجلاس کے دوران جماعت اسلامی کے سینیٹر مشتاق احمد نے کہا کہ بتایا جائے کہ وزیراعظم نے اپنے دور میں ابھی تک کتنے ممالک کے دورے کیے؟

انہوں نے کہا کہ موسمیاتی تبدیلی کے باعث گلیشئرز تیزی سے پگھل رہے ہیں، ہمیں جنگلات کو بچانا ہے، نیشنل پارکس بنانے ہوں گے۔

وزیراعظم کا کہنا تھا کہ شہر پھیلنے کی وجہ سے گرین ایریاز ختم ہوتے جارہے ہیں، شہروں کے لیے ماسٹر پلان 6 ماہ سے ایک سال میں تیار ہوجائیں گے۔

انہوں نے کہا کہ موسمیاتی تبدیلی سے نمٹنے کے لیے ہنگامی اقدامات کی ضرورت ہے۔

وزیراعظم کا کہنا تھا کہ ملک میں جنگلات کا تحفظ ہماری اولین ترجیح ہے، ہمیں نیشنل پارکس اور جنگلات کا تحفظ کرنا ہے، ہمارے جنگلات اور نیشنل پارکس پر بہت پریشر ہے۔

انہوں نے کہا کہ لاہور میں اتنے سارے درخت کاٹ دیے ہیں کہ آلودگی بڑھ گئی ہے۔