امیتابھ بچن کے حالیہ بلاگ سے مداح تشویش میں مبتلا

بالی ووڈ کے لیجنڈری اداکار امیتابھ بچن کے حالیہ بلاگ نے اُن کے مداحوں کو تشویش میں مبتلا کردیا۔

امیتابھ بچن، جو اکثر اپنے بلاگ کے اندراج میں اپنی زندگی کے مختلف پہلوؤں کی تفصیلات شیئر کرتے ہیں، اُنہوں نے اپنے حالیہ بلاگ میں لکھا کہ ’وہ کچھ گھریلو کورونا وائرس کے حالات سے نمٹ رہے ہیں۔‘

کونسے 6 افراد ہمیشہ دُکھی رہیں گے؟ امیتابھ بچن نے بتا دیا

کورونا وائرس کا شکار ہونے والے اسپتال میں زیرِ علاج بھارتی فلم انڈسٹری کے ورسٹائل اداکار امیتابھ بچن نے سوشل میڈیا پر ایک اہم پیغام جاری کیا ہے۔

79 سالہ اداکار نے مزید تفصیلات بتائے بغیر اپنے بلاگ میں مزید کہا کہ ’وہ بعد میں اپنے مداحوں سے رابطہ کریں گے۔‘

انہوں نے اپنے ایک اور بلاگ میں لکھا کہ ’لڑنا، لڑنا اور سب کی دعائیں، مزید نہیں، مزید تفصیلات نہیں، بس اتنی ہی کافی ہے۔‘

امیتابھ بچن کے ان بلاگس کے بعد اُن کے مداح تشویش میں مبتلا ہوگئے ہیں کہ اداکار کی طبیعت ٹھیک ہے یا نہیں جبکہ مداح یہ بھی سوچ رہے ہیں کہ  امیتابھ بچن بھی کورونا وائرس کا شکار ہوگئے ہیں۔

دوسری جانب بھارتی میڈیا کے مطابق امیتابھ بچن کے گھر کے عملے کی ایک فرد کا کورونا وائرس ٹیسٹ مثبت آگیا ہے جس کے بعد اُس فرد کو قرنطینہ کردیا گیا ہے۔

ایشوریا اور بیٹی کا کورونا مثبت، جیا بچن وائرس سے محفوظ

بھارتی فلم اسٹار ایشوریا رائے بچن اور اُن کی بیٹی ارادھیا بچن کا کورونا ٹیسٹ مثبت آگیا ہے جبکہ اُن کی ساس یعنی امیتابھ بچن کی اہلیہ اور ابھیشیک بچن کی والدہ جیا بچن کا کورونا ٹیسٹ منفی آگیا ہے۔

واضح رہے کہ گزشتہ سال امیتابھ بچن، اُن کے بیٹے ابھیشیک بچن، بہو ایشوریا رائے اور پوتی آرادھیا بچن کا کورونا وائرس ٹیسٹ مثبت آیا تھا جس کے بعد علاج کے لیے اُنہیں اسپتال میں داخل کردیا گیا تھا۔