ڈاکٹر حامد چوئی نے کورین زبان میں قرآنِ پاک اور صحیح بخاری کا ترجمہ مکمل کر لیا

08 جنوری ، 2022

تاریخ میں پہلی بار کورین زبان میں بھی قرآنِ مجید اور صحیح بخاری کا ترجمہ مکمل کر لیا گیا ہے، یہ ترجمہ کورین ڈاکٹر حامد چوئی یونگ کِل کی جانب سے کیا گیا ہے۔

غیر ملکی میڈیا رپورٹس کے مطابق کورین ڈاکٹر حامد چوئی دنیا کے پہلے کورین مسلمان ہیں جنہوں نے قرآن مجید اور صحیح بخاری کا اپنی زبان میں ترجمہ کر کے یہ کارنامہ انجام دیا ہے۔

ڈاکٹر حامد چوئی کے اس کارنامے کے چرچے اس وقت سوشل میڈیا پر بھی ہو رہے ہیں۔

ترک خبر رساں ادارے کی جانب سے بھی اسی سے متعلق ایک ٹوئٹ کی گئی ہے۔

دوسری جانب غیر ملکی میڈیا رپورٹس کے مطابق ڈاکٹر حامد چوئی کو قرآن مجید اور صحیح بخاری کا کورین زبان میں ترجمہ کرنے میں 7 سال کا عرصہ لگا۔

ڈاکٹر حامد چوئی یونگ کِل کا اپنے اس کارنامے سے متعلق کہنا ہے کہ ’یہ بہت ضروری تھا کہ کوریا میں رہنے والے غیر مسلم افراد اور مسلمان با آسانی اسلامی تعلیمات سیکھ اور سمجھ سکیں۔‘

خاص رپورٹ سے مزید