فائزر کا اومی کرون ویرینٹ کیلئے ویکسین کا ٹرائل شروع

فائزر، بائیو این ٹیک نے اومی کرون ویرینٹ کیلئے بنائی گئی مخصوص کورونا ویکسین کا ٹرائل شروع کر دیا۔

برطانوی میڈیا کے مطابق فائزر اور بائیو این ٹیک کا کہنا ہے کہ اومی کرون ویرینٹ کیلئے مخصوص ویکسین کے کلینکل ٹرائل کیلئے اندراج شروع کر دیاہے ، اس حوالےسے 1400 سے زائد بالغ افراد کا اندراج متوقع ہے۔

ٹرائل میں55 سال تک کے افراد میں ویکسین کی حفاظت اور مدافعتی ردعمل کو جانچا جائے گا۔

دوسری جانب امریکا کی دواسازکمپنی موڈرنا بھی جلد ہی اومی کرون ویرینٹ کیلئے مخصوص ویکسین کے ٹرائلز کا آغاز کرے گی ۔

ایسٹرازینیکا نے بھی اومی کرون ویکسین کیلئے ویکسین کے نئے ورژن پر کام شروع کر دیا ہے۔