اسلام آباد: منی لانڈرنگ کی کوشش ناکام، مسافر سے سوا سات لاکھ ریال برآمد

ایئرپورٹس سیکیورٹی فورس اسلام آباد کے عملے نے ایک کارروائی میں ریاض جانے والے مسافر سے 7 لاکھ 20 ہزار سعودی ریال برآمد کر لیے۔

ترجمان اے ایس ایف کے مطابق مسافر فہد تھانی نے سعودی ریال بیگ میں چھپا رکھے تھے، تاہم اے ایس ایف کے عملے نے تلاشی کے دوران کرنسی برآمد کر کے منی لانڈرنگ کی کوششں ناکام بنا دی۔

واضح رہے کہ کرنسی کی مالیت پاکستانی کرنسی میں 3 کروڑ 33 لاکھ روپے سے زائد بنتی ہے۔

ملزم کو ابتدائی تفتیش کے بعد برآمد شدہ رقم سمیت مزید کارروائی کے لیے کسٹم حکام کے حوالے کر دیا گیا۔