• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عثمان بزدار نے پنجاب اسمبلی تحلیل کرنے کیلیے سمری تیار کرلی، ذرائع

تازہ ترین
قومی خبریں
26 مارچ ، 2022


وزیراعلیٰ پنجاب سردار عثمان بزدار نے صوبائی اسمبلی تحلیل کرنے کی سمری تیار کرلی ہے۔

ذرائع وزیراعلیٰ پنجاب کے مطابق وزیراعظم عمران خان کے حکم پر صوبائی اسمبلی تحلیل کی جاسکتی ہے۔

ایم کیو ایم وفد اسلام آباد پہنچ گیا، وزیراعظم سے ملاقات طے نہیں، ذرائع

حکومت کی اہم اتحادی متحدہ قومی موومنٹ (ایم کیو ایم) پاکستان کا وفد کراچی سے اسلام آباد پہنچ گیا ہے۔

ذرائع وزیراعلیٰ پنجاب کے مطابق وزیراعظم عمران خان نے حکم کیا تو وہ عہدہ بھی چھوڑ سکتے ہیں ۔

ذرائع کے مطابق وزیراعظم عمران خان ، عثمان بزدار کو کمالیہ کے جلسہ عام سے خطاب کے بعد اپنے ساتھ اسلام آباد لے گئے ہیں ۔

دوسری جانب وزیراعظم کےمعاون خصوصی شہباز گل نے ٹوئٹر پیغام میں پنجاب اسمبلی تحلیل کرنے کی سمری کی تردید کی ہے۔

عمران خان نے اپنے خطاب کے دوران عوام سے اپیل کی کہ وہ کل اسلام آباد میں ہونے والے حکومتی جلسے میں شرکت کریں۔

میں وزیراعظم رہا تو یہ سب جیل میں ہوں گے، عمران خان

عمران خان نے کہا کہ نواز شریف کا اگلا حملہ فوج پر ہوگا، نواز شریف کا ہر آرمی چیف سے جھگڑا رہا ہے ، نواز شریف فوج کو کنٹرول کرنا چاہتا ہے ۔

اس سے قبل وزیراعظم اور پی ٹی آئی کی قیادت اعلان کرچکی ہے کہ 27 مارچ کے جلسے میں عمران خان اپنے ٹرمپ کارڈ کا اعلان کریں گے۔

یاد رہے کہ اپوزیشن قیادت قومی اسمبلی میں وزیراعظم عمران خان کے عدم اعتماد کی تحریک پیش کرچکی ہے ،اس حوالے سے اجلاس پیر کی شام طلب کیا گیا ہے۔

قومی خبریں سے مزید