فرمان الہی
نماز کے اوقات
شنگھائی(نیوز ڈیسک)چین کے تجارتی شہر شنگھائی میں کورونا کی صورت حال بگڑ گئی جس کے باعث تمام شہریوں کا کورونا ٹیسٹ کرانے کا فیصلہ کیا گیا ہے۔عالمی خبر رساں ادارے کے مطابق چین کے کئی شہروں میں کورونا کے نئے کیسز میں اضافہ ہوا ہے تاہم تجارتی شہر شنگھائی میں کورونا نے پنجے گاڑھ لیے ہیں۔شنگھائی میں 2 کروڑ 60لاکھ شہریوں کو اینٹی جن کٹ کے ذریعے ازخود کورونا ٹیسٹ کرانے کی ہدایت کرتے ہوئے کہا گیا ہے کہ ٹیسٹ مثبت آنے کی صورت میں انتظامیہ کو آگاہ کیا جائے۔علاوہ ازیں انتظامیہ نے ازخود کورونا ٹیسٹ مرحلے کے بعد شنگھائی بھر میں نیو کلک ایسڈ ٹیسٹ آنے والےآج پیر کو کرانے کا فیصلہ کیا ہے جس کے لیے شنگھائی میں لاک ڈاؤن نافذ کیا گیا ہے۔شنگھائی میں گزشتہ 24 گھنٹوں میں کورونا کے 7ہزار 788نئے کیسز سامنے آئے جن میں سے 6ہزار 501میں کورونا کی کوئی علامت نہیں تھی جب کہ بقیہ میں علامتیں بھی پائی گئی تھیں۔چند روز قبل ہی چین کے ٹیکنالوجی کے حب کہلائے جانے والے شہر شینزو میں بھی لاک ڈاؤن نافذ کیا گیا تھا جب کہ ایک اور شہر جیلن میں سخت پابندیاں نافذ کی گئی ہیں۔واضح رہے کہ چین ہی وہ ملک جہاں سب سے پہلے کورونا کا پہلا کیس سامنے آیا تھا اور چین نے ہی سب سے پہلے کورونا پر قابو پالیا تھا۔
