یہ تو بڑے خوش دکھائی دے رہے ہیں، ریحام خان کا بلاول کی مسکراہٹ پر تبصرہ

چیف جسٹس آف پاکستان کے بعد عمران خان کی سابقہ اہلیہ اور صحافی ریحام خان نے بھی چیئرمین پیپلز پارٹی بلاول بھٹو کی مسکراہٹ پر تبصرہ کردیا۔

گزشتہ روز بلاول بھٹو نے لندن میں مسلم لیگ (ن) کے قائد نواز شریف کی دعوتِ افطار میں شرکت کی، دعوت افطار کے موقع پر نواز شریف اور بلاول بھٹو کے درمیان اہم ملکی امور پر تبادلہ خیال بھی کیا گیا۔

افطار سے واپسی پر بلاول بھٹو نے صحافیوں سے مختصر گفتگو کی جس میں انہوں نے اپنے چہرے پر مسکراہٹ سجا رکھی تھی۔

بلاول بھٹو اور نواز شریف کی یہ تصویر کیوں وائرل ہورہی ہے؟

چیئرمین پیپلز پارٹی بلاول بھٹو زرداری کی سابق وزیراعظم نواز شریف سے ملاقات کے چرچے ہیں ۔

ریحام خان نے ان کی ایک ویڈیو پر اپنا تبصرہ کیا اور لکھا کہ ’جاتے ہوئے یہ لوگ بہت خوش دکھائی دے رہے ہیں، چہروں پر ایک مسکراہٹ سجا رکھی ہے۔‘

یاد رہے کہ اس سے قبل چیف جسٹس بھی بلاول کی مسکراہٹ کی تعریف کرچکے ہیں، چیف جسٹس نے بلاول بھٹو کی تعریف کرتے ہوئے کہا تھا کہ آپ ٹو دی پوائنٹ رہے اور مسکراہٹ کے ساتھ بات کی، آپ واحد ہیں جن کے چہرے پر مسکراہٹ تھی۔