فرمان الہی
نماز کے اوقات
لاہور(پی پی آئی)پاک بھارت آبی تنازعات پر بات چیت کے لیے پاکستانی وفد بھارت روانہ ہو گیا۔پاک بھارت آبی مذاکرات کے لیے پاکستان کا پانچ رکنی وفد انڈس واٹر کمشنر مہر علی شاہ کی قیادت میں روانہ ہوا، وفد میں ڈی جی محکمہ موسمیات، محکمہ آبپاشی اور وزارت خارجہ کا نمائندہ شامل ہے۔انڈس واٹر کمشنر سید مہر علی شاہ نے کہا کہ آبی تنازعہ پر 2روزہ مذاکرات آج سے نئی دہلی میں ہوں گے جس میں بھارت سے آنے والے دریاؤں میں سیلاب کی پیشگی اطلاع پر بات ہو گی۔انہوں نے کہا کہ مارچ میں پاک بھارت انڈس واٹر کمشنر کا اجلاس اسلام آباد میں ہوا تھا اور اب یہ 118واں اجلاس نئی دہلی میں ہو رہا ہے، اجلاس میں سالانہ رپورٹ فائنل کی جائے گی۔دریائے سندھ پر چھوٹے پراجیکٹس ہیں جبکہ دریائے چناب پر انڈیا کے 3بڑے پراجیکٹ ہیں جن پر پاکستان کو اعتراض ہے، ان میں سے ایک پاکل دل اور کیرو ہائیڈور پاور ہیں۔ کیرو پر کام شروع کیا ہے، ہمارے اعتراض پر بھارت نے کہا ہے کہ وہ رپورٹ پیش کرے گا۔
