فرمان الہی
نماز کے اوقات
لاہور(خبر نگار) پنجاب حکومت کی جانب سے تمام نکاح خواہوں کوختم نبوت ﷺکے حلف والے نئے نکاح نامےفارم استعمال کرنے کی ہدایت کی گئی ہے، نیانکاح فارم استعمال نہ کرنے والے نکاح رجسٹرار کیخلاف سخت کارروائی، ایک ماہ قید اور جرمانے کی سزا ہو سکتی ہے، حکومت کی جانب سے واضح ہدایات جاری کی گئی ہیں کہ نکاح خواں نئے فارم استعمال کریں اور پرانے نکاح نامے والے رجسٹرڈ خواہ اس پر کتنے ہی فارم باقی ہوں ان کو نکاح کے لیے استعمال نہ کریں۔ نئے نکاح نامے پر ختم نبوت پر ایمان ہونے کے بارے میں حلف نامہ درج کیا گیا ہے۔ نکاح کے وقت دلہا اور دلہن کے لیے ختم نبوتﷺ کے حلف نامے پر دستخط کرنا لازمی ہوگا اور نکاح رجسٹراروں کو ختم نبوت ﷺکے حلف نامے والے نئے فارم پُر کرنا لازم قرار دیا گیاہے۔ نکاح رجسٹراروں کو نئے فارم نہ دینے والوں کےخلاف سخت کارروائی کی جائیگی اور نئے فارم استعمال نہ کرنے والے نکاح رجسٹرار کو ایک ماہ قید اور جرمانے کی سزا ہوسکتی ہے۔
