کاروباری برادری کے تحفظات کے پیش نظر معاشی ٹیم میں تبدیلی ضروری ہے:صدر لاہور چیمبر

لاہور(اپنے نامہ نگار سے) لاہور چیمبر کے صدر میاں نعمان کبیر نے وزیراعظم شہباز شریف پر زور دیا ہے کہ وہ اپنی اکنامک ٹیم میں تبدیلی پر غور کریں کیونکہ معیشت کی بحالی و استحکام کے لیے یہ اشد ضروری ہے۔ ایک بیان میں لاہور چیمبر کے صدر نے کہا کہ موجودہ معاشی منظر نامہ انقلابی اقدامات کا متقاضی ہے، اقتصادی ٹیم میں تبدیلی معیشت پٹڑی پر لانے میں اہم کردار ادا کرسکتی ہے۔انہوں نے کہا کہ اس سے ملک کے میکرو اکنامک سٹرکچر کو بہتر بنانے میں بھی مدد ملے گی، اس وقت ملکی معیشت کو ایک درست سمت کی اشد ضرورت ہے۔