فرمان الہی
نماز کے اوقات
ایک نئی تحقیق کے مطابق گرین لینڈ میں پگھلنے والی برف کی چادر کے سبب سمندر کی سطح میں تقریباً ایک فِٹ تک کا اضافہ ہوسکتا ہے۔ایک تحقیق کے مطابق برف کی چادر کا 3.3 فی صد حجم پگھلنے کے سبب موجودہ سطح سمندر تقریباً 11 انچ تک بڑھ سکتی ہے اور سمندروں کی سطح میں بلندی کے اسباب میں بڑے پیمانے پر آسمان سے نیچے آنے والا پانی (خواہ وہ کسی بھی شکل میں ہو)، برف کا پہاڑوں سے پھسل کر سمندر میں گِرنا(آئس ڈس چارج) اور برف کا پگھل کر پانی بن جانا شامل ہیں۔
گرین لینڈ کی برف کی چادر کا پگھلنا موجودہ سطح سمندر میں اضافے کا سب سے بڑا ذریعہ ہے اور یہ 1980 کی دہائی میں سامنے آیا ہے۔ کوپین ہیگن میں جیولوجیکل سروے آف ڈینمارک اینڈ گرین لینڈ کے جیسن باکس کی رہنمائی میں کام کرنے والے محققین کی تحقیق دو دہائیوں تک لی جانے والی پیمائشوں پر محیط ہے۔
جیولوجیکل سروے آف ڈینمارک اینڈ گرین لینڈ کے محققین کا کہنا ہے کہ اگر پوری دنیا آج فاسل ایندھن جلانا بند کردے تب بھی گرین لینڈ میں 10 ہزار کھرب ٹن برف پگھل جائے گی۔ تحقیق میں محققین نے واضح طور پر بتایا ہے کہ برف کے پگھلنے کے سبب سطح سمندر میں اضافہ 2100 تک ہوگا۔ اگرچہ تحقیق میں صرف گرین لینڈ کی برف کی چادروں کے متعلق بات کی گئی ہے، اس میں اینٹارکٹیکا میں موجود دیگر گلیشیئرز شامل نہیں ہیں۔
