فرمان الہی
نماز کے اوقات
سندھ کرکٹ ایسوسی ایشن کے زیر اہتمام سندھ انٹراسکول لیگ کرکٹ ٹورنامنٹ میں شرکت کے لیے ممتاز گورنمنٹ بوائز سیکنڈری اسکول کیمپس فردوس کالونی کی کرکٹ ٹیم کے ٹرائل مکمل ہوگئے۔ ٹرائل کے بعد ڈپٹی کمشنر سینٹرل کی ڈی سی او راحیلہ مسرور نے ٹیم میں منتخب ہونے والے کھلاڑیوں میں ٹورنامنٹ کے کیپس تقسیم کیے اور انہیں مبارکباد پیش کی محترمہ راحیلہ مسرور نے ٹورنامنٹ کے دوران کھلاڑیوں کو اسپورٹس مین اسپرٹ کا مظاہرہ کرنے کی ہدایت کی، کھلاڑیوں نے اس عزم کا اظہار کیا کہ وہ ایونٹ جیتنے کی کوشش کریں گے۔
پی او اے اور پی ایچ ایف ایک پیج پر
پاکستان اولمپکس ایسوسی ایشن نے پاکستان ہاکی فیڈریشن کے حالیہ انتخابات کو تسلیم کرتے ہوئے الحاق کا خط جاری کردیا، پی او اے کی جانب سے مجاریہ الحاق لیٹر کے مطابق پی ایچ ایف صدر بریگیڈیئر(ر) خالد سجاد کھوکھر صدر سید حیدر حسین سیکریٹری جنرل، شاہد پرویز بھنڈارہ بحیثیت خزانچی پی او اے سے الحاق شدہ یونٹ کا حصہ ہوں گے۔
پی او اے کے سکریٹری خالد محمو د سےفیڈریشن کے سکریٹری حیدر حسین نے ملاقات کی جس میں انہیں پی او اے کا لیٹر دیا گیا، اس موقع پر خالد محمود نے کہا کہ ہاکی نہ صرف ہمارا قومی کھیل ہے بلکہ قومی سپورٹس کے ماتھے کا جھومر ہے۔ ہم ہاکی فیڈریشن کے ساتھ تعاون جاری رکھیں گے۔
