آن لائن گاڑیوں کی خریداری کے فراڈ میں ہوشربا اضافہ

لندن ( وجاہت علی خان ) برطانیہ میں آن لائن گاڑیوں کی خریداری کے فراڈ میں ہوشربا حد تک اضافہ ہو چکا ہے، خریدار آن لائن کاروں کی فروخت کے گھپلوں سے ہوشیار رہیں، بی بی سی کی ایک تحقیقات کے بعد یہ بات سامنے آئی ہے جب “آٹو پروموشنز “ نامی ایک جعلی کار ڈیلرشپ ویب سائٹ کا پردہ فاش کیا گیا، جس نے متاثرین کو ہزاروں پاؤنڈز سے محروم کیا ہے، ایکشن فراڈ سے پتا چلتا ہے کہ 2021میں گاڑیوں کی آن لائن فراڈ کی تقریباً 3,000رپورٹیں تھیں، جو 2019کے مقابلے میں 21فیصد زیادہ ہیں ، دریں اثنا صارفین کے گروپس نے خبردار کیا ہے کہ اس کام کو دہرایا جا سکتا ہے کیونکہ زیادہ سے زیادہ لوگ آن لائن خریدار ہوتے ہیں، ویسٹ یارکشائر سے پیٹرو پگلیوکا کمپنی نے 4,000 پاؤنڈ آٹو پروموشنز کو سیکنڈ ہینڈ نسان کار کے لیے منتقل کیا تھا کیونکہ مذکورہ کمپنی کا نام کمپنیز ہاؤس پر بھی درج ہے، یہ سرکاری ایجنسی کاروبار کی تفصیلات ریکارڈ کرتی ہے، اس ضمن میں ایک صارف پیٹرو نے اپنی نقد رقم واپس لینے کا فیصلہ کیا لیکن اسے اس وقت اور بھی اطمینان ہوا جب اس نے دیکھا کہ اس کمپنی نے جو انوائس اسے بھیجی ہے اس پر کمپنی کی مہر ہے "پہلے مجھے اس کمپنی کے بارے میں کوئی شک نہیں تھا، یہ سب جائز لگتا تھا، کیونکہ ان دنوں بہت سی کمپنیاں سامان فراہم کرتی ہیں، اس صارف نے اپنی بوڑھی ماں کو باہر لے جانے کے لیے کار خریدنے کا منصوبہ بنایا، جن کو نقل و حرکت کے مسائل تھے، لیکن گاڑی کبھی نہیں پہنچی۔ پیٹرو کا کہنا ہے کہ "یہ واقعی پریشان کن ہے۔ میں مایوس، ناراض اور تھوڑا شرمندہ محسوس کرتا ہوں۔ اس نے اپنے بینک کو آن لائن لین دین کی اطلاع دی اور اس ماہ کے شروع میں انہوں نے اسے آدھی رقم واپس کر دی لیکن آٹو پروموشن ویب سائٹ کی دھوکہ دہی کے پیچھے جو لوگ ہیں وہ بدستور فرار ہیں ،2021 میں انگلینڈ، ویلز اور شمالی آئرلینڈ میں گاڑیوں کے آن لائن فراڈ کی 2,969 رپورٹس درج ہوئیں جو 2019 میں 2,459 رپورٹس کے مقابلے میں 21 فیصد زیادہ ہیں، برطانیہ کے قومی رپورٹنگ سینٹر برائے فراڈ اور سائبر کرائم، ایکشن فراڈ کے مطابق اس سے صارفین کو پچھلے سال تقریباً 9.5 ملین پونڈ نقصان ہوا ، نیشنل ٹریڈنگ اسٹینڈرڈز کا کہنا ہے کہ صارفین رقوم کو پوری چھان بین کے بعد کسی کار کمپنی کے اکاؤنٹ میں ٹرانسفر کریں۔