سمندری طوفان ایئن نے فلوریڈا میں شدید تباہی مچادی

سمندری طوفان آئی این نے امریکی ریاست فلوریڈا میں شدید تباہی مچادی۔ رابطہ سڑکیں اور پل سیلابی ریلوں میں بہنے سے کئی جزائر کا زمینی رابطہ منقطع ہوگیا۔

غیرملکی خبر ایجنسی کے مطابق فلوریڈا کے متاثرہ علاقوں میں اب بھی 22 لاکھ صارفین کو بجلی کی فراہمی معطل ہے۔

ریاست کے وسطی علاقوں میں سیلاب کی بدترین صورتحال ہے۔ طوفان ایئن کو فلوریڈا کی تاریخ کی سب سے بڑی قدرتی آفت بھی قرار دیا جا رہا ہے۔

امریکا: کیمرا مین لائیو نشریات چھوڑ کر طوفان میں پھنسے لوگوں کو بچانے چلا گیا

پہلے لوگوں کی مدد پھر کام، امریکا کی ریاست فلوریڈا میں طوفان کے دوران امریکی نیوز چینل پر لائیو صورتحال دکھائی اور بتائی جارہی تھی کہ اس دوران نیوز چینل کا کیمرا مین لوگوں کو پانی میں پھنسا دیکھ کرکیمرا زمین پر چھوڑ کر لوگوں کی مدد کرنے دوڑ پڑا۔

خبر ایجنسی کے مطابق طوفان کے باعث امریکا بھر میں 19 ہلاکتیں ہوئی ہیں۔طوفان کیٹگری ون کی شدت کے ساتھ آج ریاست ساؤتھ کیرولائنا سے ٹکرائے گا۔

امریکی صدر جوبائیڈن نے طوفان کے باعث ہونے والے نقصانات کے نتیجے میں ہلاکتوں میں اضافے کا خدشہ ظاہر کیا ہے۔