فرمان الہی
نماز کے اوقات
کراچی (جنگ نیوز) ٹی ٹوئنٹی ورلڈکپ سیمی فائنل میں انگلینڈ کے ہاتھوں بھارت کی 10وکٹوں سے بدترین شکست اس کیلئے جگ ہنسائی کا سبب بن گئی، سوشل میڈیا پربھی بھارتی شائقین نے دل کھول کر اپنی ٹیم پر تنقید کے نشتر برسائے۔ جوز بٹلر اور ایلکس ہیلز نے 170 رنز کی شراکت قائم کی جس پر گنیز ورلڈ ریکارڈز نے بھی ٹوئٹر پر صارفین سے سوال پوچھ لیاکہ کیا یہ تاریخ کا سب سے آسان ترین ہدف کا تعاقب ہے؟گنیز ورلڈ ریکارڈز کی ٹوئٹ پر صارفین بھی خوب محظوظ ہوئے اور اس پر دلچسپ جواب بھی دیے۔انگلینڈ کی اس فتح پر وزیراعظم شہباز شریف نے بھی ٹوئٹ کی ۔ شہباز شریف نے کہا کہ اس اتوار کو 152/0بمقابلہ 170/0 ہوگا۔ بھارتی کرکٹ پرستاروں اور مبصرین نے ٹیم میں تبدیلیوں کا مطالبہ کیا ہے۔
