الجزائر کے جنگل میں آگ لگانے کے غلط الزام پر ایک شخص کے قتل کے کیس میں مقامی عدالت نے 49 افراد کو سزائے موت سنا دی۔
دارالحکومت الجیرس سے مقامی میڈیا نے بتایا کہ عدالت نے 28 دیگر افراد کو بغیر ضمانت 2 سے 10 سال قید کی سزا سنائی۔
خبر ایجنسی کے مطابق جنگل میں آگ لگانے کے غلط الزام پر 38 سالہ جمال بن اسماعیل کے قتل کا واقعہ گزشتہ سال پیش آیا تھا۔
خبر ایجنسی کے مطابق الجزائر کے جنگلات میں آگ کی تحقیقات میں مقتول بےگناہ ثابت ہوا تھا۔ خبر ایجنسی کے مطابق الجزائر میں گذشتہ سال جنگلات میں لگی آگ سے 90 افراد ہلاک ہوئے تھے۔
خبر ایجنسی کے مطابق الجزائر میں 1993 کے بعد سے سزائے موت پر عملدرآمد کی پابندی ہے۔