• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان کےخلاف فوجداری کارروائی کیلئے الیکشن کمیشن کی درخواست منظور

عبدالقیوم صدیقی
تازہ ترین
قومی خبریں
15 دسمبر ، 2022
عمران خان کےخلاف فوجداری کارروائی کیلئے الیکشن کمیشن کی درخواست منظور

پاکستان تحریک انصاف (پی ٹی آئی) کے چیئرمین عمران خان کے خلاف فوجداری کارروائی کیلئے الیکشن کمیشن کی درخواست منظور کرلی گئی۔

ایڈیشنل سیشن جج ظفر اقبال نے تحریری فیصلہ جاری کر دیا۔

فیصلے میں کہا گیا ہے کہ عمران خان کی جانب سے اثاثوں میں توشہ خانہ تحائف چھپائے گئے، بادی النظر میں عمران خان کا جمع کروایا گیا ڈکلیئریشن غلط ہے۔

توہینِ الیکشن کمیشن کیس، عمران خان اور دیگر پیش نہ ہوئے

چیئرمین پی ٹی آئی عمران خان، فواد چوہدری اور اسد عمر کے خلاف توہینِ الیکشن کمیشن اور چیف الیکشن کمشنر کیس کی سماعت ہوئی جس میں پی ٹی آئی اراکین پیش نہیں ہوئے۔

تحریری فیصلے میں کہا گیا کہ بادی النظر میں عمران خان نے گوشواروں میں تحائف کی تفصیلات ظاہر نہیں کیں، بادی النظر میں عمران خان نے تحفوں کی فروخت سے حاصل رقم کی تفصیلات بھی ظاہر نہیں کیں۔

فیصلے میں کہا گیا ہے کہ بادی النظر میں عمران خان الیکشن ایکٹ کی دفعہ 174 کی خلاف ورزی کے مرتکب ہوئے، عمران خان کے خلاف شکایت کو باقاعدہ سماعت کیلئے منظور کیا جاتا ہے۔

تحریری فیصلے میں کہا گیا ہے کہ عمران خان 9جنوری کو ٹرائل کیلئے ذاتی حیثیت میں پیش ہوں۔

قومی خبریں سے مزید