فرمان الہی
نماز کے اوقات
مسجد الحرام میں نصب 7 ہزار سے زائد لاؤڈ اسپیکرز پر مشتمل ساؤنڈ سسٹم کو 120 سے زائد آڈیو انجینئرز نے ٹھیک کر دیا۔
سعودی خبر رساں ایجنسی کے مطابق رواں ہفتے کے آغاز میں 120 سے زائد آڈیو انجینئرز پر مشتمل ایک ٹیم نے 7 ہزار سے زائد لاؤڈ اسپیکرز پر مشتمل دنیا کے سب سے بڑے ساؤنڈ سسٹم کو ٹھیک کر کے اس بات کو یقینی بنایا کہ مائیکروفونز، اسپیکرز اور ٹرانسمیشن سسٹم اذان کی آواز کو ہر کونے کونے میں پہنچا سکیں۔
واضح رہے کہ 2021 میں مسجد الحرام میں 7 ہزار سے زائد لاؤڈ اسپیکرز پر مشتمل دنیا کے سب سے بڑے ساؤنڈ سسٹم کو نصب کیا گیا تھا۔
یہ ساؤنڈ سسٹم وسیع پیمانے پر مسجد الحرام کے اندر، صحنوں اور اس سے ملحقہ سڑکوں پر نماز اور آذانوں کی آواز کو پہنچاتا ہے۔
مذکورہ ساؤنڈ سسٹم کو مربوط رکھنے کے لئے 2 کنٹرول روم بنائے گئے ہیں ، ایک مرکزی کمرہ ہے جبکہ ایک اضافی مرکز المساعہ کے علاقے میں واقع ہے اس کے علاوہ ایک بیک اپ ساؤنڈ سسٹم بھی موجود ہے جو اس بات کو یقینی بناتا ہے کہ کسی خبرابی کی صورت میں نمازی اپنی نماز بلا تعطل مکمل کرسکیں۔
سعودی پریس ایجنسی کے مطابق دنیا کی سب سے بڑی مسجد، مسجدالحرام میں نمازیوں کے لئے مزید توسیعی کا کام جاری ہے، اس منصوبے کے مطابق 5 لاکھ 19 ہزار مربع میٹر تک رقبے کو بڑھانا ہے۔
