فرمان الہی
نماز کے اوقات
کراچی (اسٹاف رپورٹر) میئر کراچی بیرسٹر مرتضیٰ وہاب نے کہا ہے کہ شہر کو صاف ستھرا کرنا ہماری ترجیحات میں شامل ہے، سندھ سالڈ ویسٹ مینجمنٹ بورڈ کو ہدایت کی ہے کہ تمام تر توانائیوں اور دستیاب وسائل کے ساتھ شہر کی صفائی ستھرائی کے لئے کام کریں، وہ جمعرات کی صبح یہاں شہر کے مختلف علاقوں کا دورہ کررہے تھے، پیپلز پارٹی ضلع جنوبی کے جنرل سیکریٹری کرم اللہ وقاصی اور سالڈ ویسٹ کے افسران بھی اس موقع پر موجود تھے، میئر کراچی نے سڑکوں کی صفائی کا معائنہ کیا، عملے سے گفتگو کرتے ہوئے انہوں نے کہا کہ شہریوں کو صفائی ستھرائی کے حوالے سے اگر شکایات ہوں تو 1128 پر درج کروائیں، کراچی کے شہریوں نے جس طرح پیپلز پارٹی اور ہم پر اعتماد کا اظہار کیا، ہم انہیں کسی صورت مایوس نہیں کریں گے اور شہر کی خدمت میں کوئی کسر اٹھا نہیں رکھیں گے، عیدالاضحیٰ پر کراچی سے منتخب تمام نمائندے سڑکوں پر نظر آئیں گے اور صفائی ستھرائی کے کاموں میں بھرپور حصہ لیں گے، نالوں کی صفائی کا کام بھی جاری ہے۔
