کراچی(اسٹاف رپورٹر)شہر میں بارش کے دوران دیوار گرنے اور کرنٹ لگنے کے واقعات میں کمسن بچے سمیت3افراد جاں بحق جبکہ ایک خاتون زخمی ہوگئی۔تفصیلات کے مطابق بلدیہ اتحاد ٹاؤن علی مرتضیٰ مسجد کے قریب تیز ہواؤں کے ساتھ ہونے والی بارش کی نتیجے میں گھر کی دیوار گر گئی جس کے ملبے تلے ماں اور کمسن بچہ دب گئے ،واقعے کی اطلاع ملتے ہی اہل علاقہ اور ریسکیوٹیم موقع پر پہنچ گئی اور ملبے سے کمسن بچے کی لاش اور زخمی ماں کو نکال کر سول اسپتال پہنچایا جہاں بچے کی شناخت 7سالہ انفال ولد رحمت بادشاہ جبکہ زخمی ماں کی شناخت 32سالہ لبنیٰ زوجہ رحمت بادشاہ کے نام سے کی گئی۔سرجانی روزی گوٹھ دولت مصطفیٰ مسجد کے قریب بارش کے دوران گھر میں کرنٹ لگنے 38سالہ شکیل احمد ولد رفیق جاں بحق ہوگیا ،متوفی کی لاش عباسی اسپتال پہنچائی گئی ،جہاں ڈاکٹروں کی جانب سے موت کی تصدیق پر ورثاءبغیرکسی کارروائی کے لاش اپنے ہمراہ لے گئے۔ بلدیہ اتحاد ٹاؤن گلشن چوک عالم کانٹا کے قریب کام کے دوران کمپنی میں کرنٹ لگنے سے ایک مزدورجاں بحق ہوگیا ،متوفی کی لاش قریبی واقع نجی اسپتال پہنچائی گئی ،جہاں متوفی کی شناخت 32سالہ دانش ولد ولید کے نام سے کی گئی۔
فرمان الہی
نماز کے اوقات
