• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فرانس: کسٹم حکام نے بندروں کی سیکڑوں کھوپڑیاں برآمد کرلیں

آج کا اخبار
یورپ سے
23 ستمبر ، 2023
پیرس( نیوز ڈیسک)پیرس کے کسٹم حکام نے ائرپورٹ سے بندروں کی سیکڑوں کھوپڑیاں پکڑنے کا انکشاف کیا ہے۔غیرملکی میڈیا رپورٹس کے مطابق پیرس کے چارلس ڈی گوالے ائرپورٹ پر تعینات کسٹم حکام نے انکشاف کیا ہےکہ گزشتہ سال کے آخری 7 مہینوں میں انہوں نے ائرپورٹ سے بندروں کی 400 کھوپڑیاں پکڑی ہیں۔پیرس کے سب سے بڑے ائرپورٹ پر تعینات کسٹم ایجنٹس نے بتایا کہ انہوں نے مئی سے دسمبر 2022 کے درمیان 392 پوسٹڈ پیکجز پکڑے جس میں بندروں کی کھوپڑیاں موجود تھیں جنہیں امریکہ بھجوایا جارہا تھا۔حکام کا بتانا ہےکہ زیادہ تر پیکجز میں کھوپڑیاں، ہڈیاں اور دیگر اعضا تھے جب کہ حکام نے قانونی طور پر قابل فروخت کسی بھی چیز کو قبضے میں نہیں لیا ہے۔حکام کے مطابق منشیات، اسلحہ اور انسانوں کی اسمگلنگ کے بعد ان اشیاء کی ٹریفیکنگ سب سے زیادہ منافع بخش کام ہے جس میں سالانہ 8.5 سے 21.5 بلین ڈالر کمائے جاتے ہیں۔ 
یورپ سے سے مزید