• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیل میں 22 سال قید میں رہنے والا روسی شہری رہائی کے دن فرار

آج کا اخبار
یورپ سے
24 ستمبر ، 2023
ماسکو(نیوزڈیسک)جیل میں22سال قید میں رہنے والا روسی شہری رہائی کے دن جیل سے فرار ہو گیا۔ غیر ملکی میڈیا کے مطابق کامولجن کالونوف نامی روسی شہری دوہرے قتل، چوری، اسلحہ، گولہ بارود، دھماکہ خیز مواد رکھنے جیسے سنگین جرائم میں ملوث تھا۔روسی شہری کے جرائم میں ملوث ہونے کے ریکارڈ کے حوالے سے بتایا گیاکہ ملزم کو پہلی بار مجرموں کو منظم کرنے کے جرم میں سزا سنائی گئی تھی اور اسے1997میں جیل سے رہا کیا گیا تھا، اس کے بعد 2001میں اسے 22سال قید کی دوبارہ سزا سنائی گئی۔ میڈیا رپورٹس میں بتایا گیا کہ روسی شہری عین اپنی رہائی والے دن جیل سے صبح4بجے کے قریب غائب ہوگیا جس کے بعد جیل اہلکاروں کو پتا چلا کہ ملزم جیل سے فرار ہوگیا ہے کیونکہ وہ جس جیل میں موجود تھا وہ ایک مجرموں کیلئے کالونی تھی جہاں مجرموں کو آزادانہ طور پر گھومنے کی سہولت دی گئی تھی۔روسی حکام کے مطابق کالونی سے تین دن تک غیر حاضری کو جیل سے فرار نہیں سمجھا جاتا بلکہ راستے سے فرار سمجھا جاتا ہے اگر اس دوران وہ واپس نہیں آتا تو اس قیدی کو4سال تک قید کی سزا کاٹنی پڑسکتی ہے۔روسی حکام نے بتایا کہ22سال بعد کامولجن کلونوف کو پیرول پر رہا کرکے جبری مشقت کیلئے بھیجا جانے والا تھا لیکن وہ اپنی رہائی کے دن ہی فرار ہوگیا۔
یورپ سے سے مزید