• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دنیا کا سب سے بڑا قانون حضرت محمد مصطفی ﷺ نے دیا، عامر شوکت

آج کا اخبار
یورپ سے
27 ستمبر ، 2023
سوئٹزرلینڈ (پ ر) سوئٹزر لینڈ کے شہر باصل میں زیر سر پرستی صاحبزادہ سید علی الاشرفی الجیلانی محفل میلاد مصطفیٰ ﷺ کا انعقاد کیا گیا۔ محفل کے مہمانان خصوصی سوئٹزرلینڈ میں سفیر پاکستان عامر شوکت اور پیر سید جعفر علی شاہ سواتی تھے ،محفل کا آغاز تلاوت قرآن پاک سے کیا گیاجس کی سعادت سید علی جیلانی نے حاصل کی۔ یورپ سے آئے ثناخواں سید زین جیلانی ،ریاض الدین ، ڈاکٹر خالد پنی، احمد ریاض الدین عمران مزمل، محمود الحسن، شاہ عبداللہ، امبر جیلانی، جنت فاطمہ، ملک پرویز ،محمد ابراہیم، احد اشرف ،محمد علی مقید نے حضور ﷺ کے حضور گلہائےعقیدت کے نچھاور کئے۔ پیر سید جعفر شاہ سواتی نے بھی نعت رسول ﷺ پیش کی۔سفیر پاکستان عامر شوکت نے کہا کہ پوری ٹیم کا میلاد النبی ﷺ کی محفل منعقد کرنے پر شکریہ ادا کرتا ہوں، آقاﷺ نے ہمیں زندگی گزارنے کا سلیقہ سکھایا، 1935میں انسانی حقوق سپریم کورٹ امریکہ نے ایک قرارداد پاس کی کہ دنیا کا سب سے بڑا قانون حضرت محمد مصطفیﷺ نے دیا، ہماری تمام پریشانیوں کا حل حضور ﷺ کی سیرت میں چھپا ہے۔ انہوں نے کہا کہ حضور ﷺ کی سیرت پر عمل پیرا ہونا چاہئے۔سید علی جیلانی نے خطاب میں کہا کہ اللہ پاک نے اپنے حبیب ﷺکا ذکر قیامت تک کیلئے بلند فرما دیا ، آج دیار غیر میں یہ ہماری خوش قسمتی ہے کہ ہم حضور ﷺ کا ذکر بلند کر رہے ہیں۔ دیگرمقررین نے کہا کہ آج اس نفسا نفسی کی دنیا میں مسلمانوں کی بقا صرف حضور اکرم ﷺ کے اسوۂ حسنہ اور آپﷺ کی سیرت پر عمل پیرا ہونے میں ہے، ہمیں حضور ﷺ کا دامن مضبوطی سے تھام لینا چاہئے۔ محفل کے آخر میں نبی اکرمﷺ کی بارگاہ میں درود و سلام پیش کیا گیا۔ صاحبزادہ سیدعلی الاشرفی الجیلانی نےدعا کرائی۔ محمد خان، زوالفقاراحمد ،خان سجاد، راجہ فیاض ،خالد گوجر، محمد اختر نے مہمانوں کا شکریہ ادا کیا، مہمانوں کی تواضح لنگر محمدی سے کی گئی۔
یورپ سے سے مزید