فرمان الہی
نماز کے اوقات
مرادآباد(این این آئی)بھارتی شہر مراد آباد میں 18لاکھ روپے بینک کے لاکر میں رکھنے والی خاتون لاکر کھولنے کے بعد دنگ رہ گئی۔بھارتی میڈیا کے مطابق خاتون نے ایک سال بعد بینک لاکر کھولا تو پتہ چلا کہ دیمک نے 18لاکھ روپے کا کیش کھا لیا جو اس نے بیٹی کے شادی کے لیے رکھا تھابینک کی جانب سے انہیں کسٹمر انفارمیشن اور دیگر تصدیقی عمل کے لیے بینک بلوایا گیا تھا۔ جب خاتون نے سب ٹھیک ہے دیکھنے کے لیے اپنا لاکر کھولا تو وہ ہکا بکا رہ گئیں۔بڑی محنت سے جمع کر کے لاکر میں رکھے گئے کرنسی نوٹ دیمک کے حملے کے بعد کھائے ہوئے کاغذ کے ٹکڑوں میں تبدیل ہو گئے تھے۔ اور جب اس معاملے پر میڈیا نے بینک سے جواب مانگا تو بینک کے عملے نے کہا کہ ہیڈکوارٹر کو رپورٹ بھیج دی گئی ہے۔متاثرہ خاتون نے الزام عائد کیا کہ بینک کا عملہ ان کے ساتھ کوئی معلومات شیئر نہیں کر رہا۔
