فرمان الہی
نماز کے اوقات
کراچی کے علاقے اتحاد ٹاؤن خان محمد چوک کے قریب جھگڑے کے دوران فائرنگ کے نتیجے میں 2 سگے بھائی جاں بحق ہوگئے، واقعے میں ملوث ملزمان کی گرفتاری کے لیے پولیس چھاپے مار رہی ہے۔
پولیس نے مقتولین کی لاشیں ایمبولنس کی مدد سے اسپتال پہنچائیں، مقتولین کی شناخت حسین امین اور فاروق امین کے نام سے ہوئی ہے۔
پولیس کے مطابق ابتدائی تفتیش کے دوران معلوم ہوا کہ فائرنگ کا واقعہ دو گروپوں میں تصادم کے نتیجے میں رونما ہوا، مقتولین خان محمد کالونی کے رہائشی اور آبائی تعلق مردان سے تھا۔
جھگڑا بچوں کو تیز موٹر سائیکل چلانے سے منع کرنے پر ہوا، مقتولین ایک پاپڑ بنانے والے کارخانہ چلاتے تھے اور فائرنگ کا واقعہ مقتولین کے کارخانے کے قریب پیش آیا۔
عینی شاہد کا بتانا ہے کہ جن بچوں سے جھگڑا ہوا تھا انہوں نے بڑوں کو فون کر کے بلایا اور بچوں کے فون کرنے کے کچھ دیر بعد فائرنگ ہوئی۔
مقتول فاروق پانچ بچوں کا باپ تھا اور مقتول حسین دو بیٹیوں کا باپ تھا۔
پولیس کا مزید بتانا ہے کہ واقعہ میں ملوث ملزمان کی شناخت کرلی گئی اور گرفتاری کے لیے چھاپے مارے جارہے ہیں۔
مقتول بھائیوں کے اہل خانہ اور عزیز و اقارب نے لاشوں کے ہمراہ پولیس چوکی کے باہر احتجاج کیا اور مطالبہ کیا کہ قاتلوں کو فوری گرفتار کیا جائے۔
پولیس نے مظاہرین سے مذاکرات کئے اور ملزمان کو جلد گرفتار کرنے کی یقین دہانی کرائی۔
