فرمان الہی
نماز کے اوقات
ایران کے صدر ابراہیم رئیسی کی ہیلی کاپٹر حادثے میں وزیر خارجہ امیر عبداللہیان بھی جاں بحق ہوگئے ہیں، جس کے بعد علی باقری کنی کو قائم مقام وزیر خارجہ مقرر کر دیا گیا ہے۔
ہیلی کاپٹر کے حادثے میں حسین امیر عبداللہیان کی شہادت کے بعد ایرانی حکومت نے قائم مقام وزیر خارجہ کا اعلان کر دیا ہے۔
آئین کے آرٹیکل 135 کے مطابق جب کسی وزارت کا کوئی وزیر نہ ہو تو صدر کسی شخص کا انتخاب کر کے انہیں تین ماہ کے لیے اس وزارت کا سربراہ نامزد کر سکتے ہیں۔
تاہم ہیلی کاپٹر حادثے کے نتیجے میں ایران کے صدر ابراہیم رئیسی بھی جاں بحق ہوگئے ہیں۔
ان کے جاں بحق ہونے کے بعد نائب صدر محمد مخبر کو عبوری صدر مقرر کیا گیا ہے، جنہوں نے علی باقری کنی کو ایران کا قائم مقام وزیر خارجہ مقرر کر دیا ہے۔
محمد مخبر دو ماہ کے لیے ایران کے عبوری صدر مقرر
اس سے قبل ایران کے صدر ابراہیم رئیسی کی ہیلی کاپٹر حادثے میں ہلاکت کے بعد کے دو ماہ کے لیے ایران کے عبوری صدر نائب صدر محمد مخبر نے سنبھال لی ہے۔
محمد مخبر کی بطور عبوری صدر تقرری کا اعلان پیر کو ملک کے رہبرِ اعلیٰ آیت اللہ علی خامنہ ای کی منظوری کے بعد کیا گیا۔
ایران کے آئین کے مطابق ملک میں 50 دن کے اندر دوبارہ صدارتی انتخاب کروایا جائے گا۔
اسلامی جمہوریہ ایران کے آئین کے آرٹیکل 131 کے مطابق صدر کی موت کی صورت میں، ان کا نائب قیادت کی منظوری سے، اپنے اختیارات اور ذمہ داریاں سنبھالتا ہے اور اسمبلی کے اسپیکر، عدلیہ کے سربراہ اور عبوری صدر زیادہ سے زیادہ 50 دنوں کے اندر نئے صدر کے انتخاب کا انتظام کرنے کے پابند ہیں۔
ابراہیم رئیسی کے نائب بننے سے پہلے، محمد مخبر دیزفولی تقریباً 15 سال تک ایرانہ کے امیر ترین اقتصادی گروپوں میں سے ایک ’ستاد اجرائی فرمان امام‘ کے ایگزیکٹو اسٹاف کے سربراہ تھے۔
یہ گروپ براہ راست اسلامی جمہوریہ کے رہبرِ اعلیٰ کی نگرانی میں کام کرتا ہے اور کسی بھی ادارے کو جوابدہ نہیں ہے۔
ایرانی صدر ابراہیم رئیسی کے ہیلی کاپٹر حادثے میں جاں بحق ہونے والے افراد کی تعداد 8 سے تجاوز کرگئی ہے۔
جاں بحق ہونے والے افراد ایرانی صدر ابراہیم رئیسی کے علاوہ وزیر خارجہ امیر عبداللہیان، مشرقی آذربائیجان کے گورنر مالک رحمتی، تبریز کے امام سید محمد الہاشم، صدر کے سیکیورٹی یونٹ کے کمانڈر سردار سید مہدی موسوی، باڈی گارڈ اور ہیلی کاپٹر کا عملہ شامل ہے۔
میڈیا رپورٹس کے مطابق ہیلی کاپٹر کے عملے میں پائلٹ کرنل سید طاہر مصطفوی، پائلٹ کرنل محسن دریانوش اور میجر بہروز شامل ہیں۔
