بالی ووڈ سینئر اداکارہ پونم ڈھلوں نے سوناکشی سنہا اور ظہیر اقبال کی شادی کی تصدیق کر دی

بالی ووڈ سینئر اداکارہ پونم ڈھلوں نے معروف اداکارہ سوناکشی سنہا اور اداکار ظہیر اقبال کی شادی کی تصدیق کرتے ہوئے انکشاف کیا کہ اُنہیں بہت خوبصورت دعوت نامہ موصول ہوا ہے۔

بھارتی میڈیا رپورٹس میں دعویٰ کیا جا رہا ہے کہ نیٹ فلکس سیریز ’ہیرا منڈی‘ کی اداکارہ سوناکشی سنہا اپنے بوائے فرینڈ ظہیر اقبال کے ساتھ رواں ماہ شادی کرنے والی ہیں۔

اس حوالے سے بھارتی میڈیا  پر رواں ماہ کے آغاز سے چہ مگوئیاں جاری ہیں جس کی تاحال اس جوڑے کی جانب سے کوئی وضاحت یا تردید نہیں کی گئی مگر اس فنکار جوڑی کی شادی کی تصدیق سینئر اداکارہ پونم ڈھلوں نے کر دی ہے۔

’انسٹنٹ بالی ووڈ‘ کو دیے گئے ایک انٹرویو میں اداکارہ پونم نے کہا ہے کہ ’میں سوناکشی کے لیے نیک خواہشات رکھتی ہوں، اس نے ایک خوبصورت دعوت نامہ بھیجا ہے، میں اسے اس وقت سے جانتی ہوں جب وہ چھوٹی سی بچی تھی، میں نے اس کا انڈسٹری میں سارا سفر دیکھا ہے، اللّٰہ سے دعا ہے کہ وہ خوش رہے، وہ بہت پیار کرنے والی لڑکی ہے، میں اس کے لیے تمام خوشیوں کی دعا کرتی ہوں۔‘

میڈیا سے گفتگو کے دوران پونم ڈھلوں نے کیمرے کی جانب دیکھا اور سوناکشی کے ہونے والے ہمسفر ظہیر کو مخاطب کرتے ہوئے کہا کہ ’براہ کرم اسے خوش رکھیں، وہ ایک بہت پیاری لڑکی ہے اور ہم سب کے لیے بہت قیمتی بھی۔‘

سوناکشی سنہا اور ظہیر اقبال کی شادی کا آڈیو دعوت نامہ لیک

بالی ووڈ کی معروف اداکارہ سوناکشی سنہا اور اداکار ظہیر اقبال کی شادی کا دعوت نامہ لیک ہوگیا۔

یاد رہے کہ گزشتہ روز ہی سوناکشی اور ظہیر کی شادی کا ڈیجیٹل دعوت نامہ سوشل میڈیا کے ذریعے منظرِ عام پر آیا تھا۔

اس ڈیجیٹل دعوت نامے کو میگزین کے سرورق کی طرح بنایا گیا ہے۔

واضح رہے کہ سوناکشی اور ظہیر کی درمیان ڈیٹنگ سے متعلق  2020ء سے  افواہیں گردش میں تھیں۔

اس جوڑی نے 2022ء میں ریلیز ہونے والی فلم ’ڈبل ایکس ایل‘ میں ایک ساتھ کام کیا تھا۔