مختلف ایونٹس میں پانچ گولڈ میڈلز جیتے تمام میں نیا ریکارڈ بنایا، ارشد ندیم

پیرس اولمپکس 2024ء میں 40 سال بعد پاکستان کو گولڈ میڈل جتوانے والے قومی جیولین تھروور ارشد ندیم کا کہنا ہے کہ مختلف ایونٹس میں پانچ گولڈ میڈلز جیتے، تمام میں نیا ریکارڈ بنایا۔

جیو نیوز کے پروگرام ’کیپٹل ٹاک‘ میں گفتگو کرتے ہوئے ارشد ندیم نے کہا کہ یوتھ فیسٹول 2012 میں پہلا ایونٹ کھیلا، والدین اور پورے پاکستان کی دعاؤں سے کامیابی ملی، کوچ فیاض حسین بخاری نے میری زبردست ٹریننگ کروائی۔

ارشد ندیم نے پی ٹی آئی حکومت کے فیصلے کو نقصان دہ قرار دیا تھا

ارشد ندیم نے 2021 میں ڈپارٹمنٹنل اسپورٹس کے خاتمے پر اُس وقت کے وزیر اعظم سے فیصلے پر نظرثانی کی اپیل بھی کی تھی۔

ارشد ندیم نے کہا کہ کامن ویلتھ گیمز کا ریکارڈ میں توڑ چکا ہوں، اب تک میں نے پانچ گولڈ میڈلز جیتے ہیں۔

انہوں نے بتایا کہ جولائی 24 کو میری فلائٹ تھی 21 جولائی کو میری انجری ہوئی، انجری سے متعلق کسی کو نہیں بتایا، پیرس جا کر گھر والوں کو انجری سے متعلق بتایا، وارم اپ کے دوران تھرو کی تو اسی وقت بہت اچھا احساس ہوا۔

اولمپیئن ارشد ندیم نے کہا کہ تقریباً دو ماہ بعد دوبارہ ٹریننگ کا آغاز کروں گا، پیرس اولمپکس میں جانے سے پہلے وزیراعظم نے میری حوصلہ افزائی کی۔

انہوں نے کہا کہ جیولین تقریباً 7 سے آٹھ لاکھ تک ملتا ہے۔

ارشد ندیم کا کہنا تھا کہ ورلڈ ریکارڈ 98 میٹرز سے زیادہ کا ہے، دنیا بھر کے کوچز کا خیال ہے کہ میں اسے بریک کر سکتا ہوں، میرے پاس اگر 15 سے 20 جیولین ہوں تو نوجوانوں کو بھی ٹریننگ دوں گا۔

ارشد ندیم کو بیٹا کہنے پر نریندر مودی نے نیرج کو انکی والدہ سے متعلق کیا کہا؟

نیرج چوپڑا نے ایک بیان میں کہا کہ ان کی والدہ نے ارشد ندیم کو دل سے بیٹا کہا، ماں گاؤں میں رہتی ہیں،

ارشد ندیم نے کہا کہ گاؤں میں اپنی زمین پر اکیڈمی بنانا چاہتا ہوں، اپنی اکیڈمی گاؤں میں بنانا چاہتا ہوں۔ اپنی گاڑی کی نمبر پلیٹ 92.97 دیکھ کر بڑی خوشی ہوئی تھی۔

پاکستانی جیولین تھروور نے یہ بھی کہا کہ مجھے امید ہے کہ بہت سارے نوجوان جیولین تھرو کی طرف آئیں گے۔

بھارتی ایتھلیٹ کے ساتھ اپنی دوستی پر ارشد ندیم کا کہنا تھا کہ نیرج چوپڑا کے ساتھ دوستی 2016 میں ہوئی تھی، کرکٹرز بھی ہمارے ہیرو ہیں، وہ بھی محنت کریں۔