• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جولائی 2024 میں پاکستان کی ٹیکسٹائل برآمدات میں 3.1 فیصد کمی

آج کا اخبار
اہم خبریں
16 اگست ، 2024
اسلام آباد (اسرار خان) جولائی 2024 میں پاکستان کی ٹیکسٹائل کی برآمدات میں 3.1 فیصد کمی، پیٹرولیم گروپ کی درآمدات 60فیصد بڑھ کر 1.266 ارب ڈالرز تک پہنچ گئیں، چاول کی برآمدات 75.7 فیصد اضافے کے ساتھ 205.7 ملین ڈالر تک پہنچ گئیں۔ تفصیلات کے مطابق پاکستان بیورو آف سٹیٹسٹکس (پی بی ایس) کے تازہ ترین اعداد و شمار کے مطابق جولائی 2024 میں پاکستان کی ٹیکسٹائل کی برآمدات میں 3.1 فیصد کی کمی ریکارڈ کی گئی، جو گزشتہ سال کے اسی ماہ کے 1.31 ارب ڈالر کے مقابلے میں گر کر 1.27 ارب ڈالر رہ گئی۔ یہ ملک کی ٹیکسٹائل برآمدات میں مسلسل دوسری ماہانہ کمی ہے۔ 1.41 ارب ڈالر کی گزشتہ ماہ کی برآمدات کے مقابلے میں جولائی کی برآمدات میں 10.13 فیصد کمی واقع ہوئی۔ جون 2024 میں ٹیکسٹائل کی برآمدات پہلے ہی 3.91 فیصد کم ہوکر 1.41 ارب ڈالر رہ گئیں جو جون 2023 میں 1.47 ارب ڈالر سے کم ہیں۔
اہم خبریں سے مزید