• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

الفلاح تھانے، افسر سے ملنے آئے شہری کی موٹر سائیکل چوری

آج کا اخبار
اہم خبریں
22 اپریل ، 2025
کراچی (افضل ندیم ڈوگر) کراچی ایسٹ کے الفلاح تھانے کے افسر سے ملنے آئے شہری کی موٹرسائیکل تھانے کے گیٹ سے چوری کرلی گئی، دلچسپ بات یہ ہےکہ واردات سے چند منٹ قبل ملزم تھانے میں ڈیوٹی افسر اور دیگر اہلکاروں سے رپورٹ کرانے کے بہانے سلام دعا کرکے بھی گیا ، پولیس ذرائع کے مطابق کورنگی ضلع کے الفلاح تھانے میں ایک شہری شاہد پرویز پولیس ملازم سے ملنے کے لیے آیا جس نے اپنی موٹر سائیکل نمبر کے کیو ٹی 6183 تھانے کے گیٹ پر کھڑی کی تھی، شہری باہر نکلا تو موٹر سائیکل غائب تھی،پولیس ملازمان نے تھانے کی سی سی ٹی وی فوٹیج چیک کی تو پتہ چلا کہ ایک ملزم چند سیکنڈ میں بڑی آسانی سے واردات کرکے فرار ہوگیا، پولیس ذرائع کے مطابق سی سی ٹی وی فوٹیج میں دیکھا گیا کہ ملزم واردات سے قبل ڈیوٹی افسر کے کمرے میں آیا اور شناختی کارڈ کی گمشدگی رپورٹ درج کرانے کے بہانے اندر کا جائزہ لیا، پولیس ملزم کو تلاش کر رہی ہے۔
اہم خبریں سے مزید