لاہور(نمائندہ جنگ) بجلی کی تقسیم کار کمپنیوں کی نجکاری کیلئے ایڈوائزر تعینات کرنے کا فیصلہ کرلیا گیا،معاشی ٹیم نے پلان وزیراعظم شہباز شریف کو پیش کردیا ، کمپنیوں کی نجکاری کیلئے ٹیکنیکل اور فنانشل ایڈوائزرآئندہ ماہ تعینات کیے جائیں گے۔پہلے فیز میں بجلی کی 3 تقسیم کار کمپنیوں کی نجکاری کی جائے گی،آئیسکو ، گیپکو اور فیسکو کی نجکاری پہلے مرحلے میں شامل ہے، ایڈوائزر تقریباً ڈیڑھ سال اسیسمنٹ کرنے کے بعد رپورٹ وزارت توانائی اور وزیر اعظم کو پیش کریں گے۔