محبت کی مختلف اقسام دماغ کے مختلف حصوں کو متحرک کرتی ہیں، تحقیق

نیورو سائنسدانوں نے محبت کو ایک نئے زاویے سے دیکھا اور بتایا ہے کہ محبت کی مختلف اقسام دماغ کے مختلف حصوں کو متحرک کرتی ہیں۔

ایک حالیہ تحقیق میں انسانی دماغ کی مختلف اقسام کی محبت پر ردعمل کا نقشہ بنایا گیا اور نتائج سے پتہ چلا کہ ہر قسم کی محبت دماغ کے مختلف سرکٹس کو متحرک کرتی ہے۔

آلٹو یونیورسٹی کے سائنسدانوں نے فنکشنل میگنیٹک ریزوننس امیجنگ (FMRI) کا استعمال کرتے ہوئے دماغی سرگرمی کی پیمائش کی جس سے یہ معلوم ہوا کہ والدین کی محبت دماغ میں سب سے زیادہ متحرک ہوتی ہے۔

جب آپ کچھ نہیں کرتے تو آپ کا دماغ کیا کرتا ہے؟

ہم عام طور سے دماغی سرگرمیوں کو ذہنی سرگرمیوں کے ساتھ جوڑ دیتے ہیں لیکن کیا آپ جانتے ہیں کہ آپ کا دماغ اس وقت بھی متحرک رہتا ہے جب آپ کچھ نہیں کر رہے ہوتے؟

اس تحقیق کے محقق پارٹلی رِن نے کہا کہ "والدین کی محبت میں، دماغ کے انعامی نظام (ریوارڈ سسٹم) کے گہرے حصے میں سرگرمی دیکھی گئی جو کسی اور قسم کی محبت میں نہیں دیکھی گئی۔"

اس ہفتے کے سیریبرل کورٹیکس جریدے میں شائع ہونے والے نتائج سے یہ بھی معلوم ہوا کہ اجنبیوں کےلیے ہمدردی کا جذبہ قریبی رشتوں کے مقابلے میں کم خوشگوار ہوتا ہے۔

دوسری جانب قدرت کےلیے محبت دماغ کے انعامی نظام اور دیگر بصری علاقوں کو متحرک کرتی ہے لیکن افسوس کی بات یہ ہے کہ یہ سماجی دماغ کے حصوں کو متحرک نہیں کرتی۔

زیادہ سوچنے اور دماغ پر دباؤ ڈالنے سے آنے والا غصہ نقصان دہ ہوتا ہے، تحقیق

سائنس دانوں نے خبر دار کیا ہے کہ بہت زیادہ سوچنے اور دماغ پر دبائو ڈالنے سے ذہبی دبائو محسوس ہونے کے ساتھ غصہ آتا ہے جو کہ نقصاندہ ہے۔

پارٹلی رِن نے مزید بتایا کہ "جب پالتو جانوروں کے لیے محبت اور اس سے منسلک دماغی سرگرمی کو دیکھا گیا تو سماجی دماغ کے حصوں نے اعدادوشمار کی مدد سے یہ ظاہر کیا کہ آیا شخص پالتو جانور رکھتا ہے یا نہیں۔"

انہوں نے مزید کہا کہ "جب بات پالتو جانوروں کے مالکان کی آتی ہے تو ان کے دماغ کے یہ حصے غیر مالکان کے مقابلے میں زیادہ متحرک ہوتے ہیں۔"

یہ تحقیق محبت کی مختلف اقسام کے دماغی ردعمل کے بارے میں مزید تفہیم فراہم کرتی ہے، جو انسان کی جذباتی اور سماجی فطرت کو بہتر طور پر سمجھنے میں مددگار ثابت ہو سکتی ہے۔