• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیمپئنز ٹرافی پاکستان سے منتقل کرنیکا کوئی منصوبہ نہیں، سربراہ آئی سی سی

آج کا اخبار
اہم خبریں
12 ستمبر ، 2024
دبئی(سبط عارف) انٹرنیشنل کرکٹ کونسل (آئی سی سی) کے چیف ایگزیکٹو جیف ایلارڈائس نے تصدیق کی ہے کہ آئی سی سی چیمپئنز ٹرافی 2025 کو پاکستان سے منتقل کرنے کا فی الحال کوئی منصوبہ نہیں ہے اور یقین دہانی کرائی ہے کہ کسی بھی ٹیم نے ٹورنامنٹ میں کھیلنے سے ہچکچاہٹ کا اظہار نہیں کیا، تمام ٹیمیں پاکستان میں کھیلنے کے لئے پرعزم ہیں ۔پاکستان اس وقت چیمپینز ٹرافی کا دفاعی چیمپئن ہے، کیونکہ سابق کپتان سرفراز احمد کی قیادت میں پاکستان کرکٹ ٹیم نے فائنل میں بھارت کو شکست دے کر انگلینڈ میں 2017 میں چیمپئنز ٹرافی جیتی تھی۔ویمنز ٹی ٹوئنٹی ورلڈ کپ کے لیے منعقدہ دبئی میں میڈیا بریفنگ سے خطاب کرتے ہوئے جیوف ایلارڈائس نے ٹورنامنٹ کے مقام کے بارے میں اطمینان کا اظہار کیا۔انہوں نے کہا کہ آئی سی سی ایونٹس کی کامیاب میزبانی کو یقینی بنانے کے لیے پاکستان سمیت اپنے رکن ممالک کے باقاعدہ دورے کرتا رہتا ہے۔ سابقہ ​​چیلنجوں کے باوجود ایلارڈائس نے اس بات پر زور دیا کہ تمام شریک ٹیمیں پاکستان میں کھیلنے کے لیے پرعزم ہیں۔آئی سی سی چیمپئنز ٹرافی 2025، جسے "منی ورلڈ کپ" کے نام سے جانا جاتا ہے، 2023 کے ون ڈے ورلڈ میں ان کی کارکردگی کی بنیاد پر آٹھ ایلیٹ ٹیمیں، جن میں بھارت، آسٹریلیا، نیوزی لینڈ، انگلینڈ، جنوبی افریقہ، بنگلہ دیش اور افغانستان شامل ہیں۔
اہم خبریں سے مزید