• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مصطفیٰ قتل کیس، ملزم ارمغان کے گھر پولیس چھاپے کی ویڈیوز سامنے آگئی

آج کا اخبار
اہم خبریں
20 اپریل ، 2025
کراچی( اسٹاف رپورٹر )مصطفی عامر قتل کیس میں گرفتار ملزم ارمغان کی پولیس پر فائرنگ کرنے کی تصاویر اور ویڈیوز سامنے آگئیں۔ ملزم ارمغان کی پولیس پر فائرنگ کرتے ہوئے تصاویر سامنے آئی ہیں۔ ویڈیو میں ملزم ارمغان کو پولیس پر اندھا دھند فائرنگ کرتے دیکھا جاسکتا ہے ، ملزم نے سیڑھی کا سہارا لیکر پولیس پر دو بار فائرنگ کی۔ ارمغان دو مرتبہ پولیس پر فائرنگ کرکے کمرے میں چلا گیا جبکہ فائرنگ کے وقت ایک لڑکی بھی موجود تھی۔یاد رہے مرکزی ملزم ارمغان سے متعلق اہم انکشاف ہوا تھا اس نے گرفتاری سے قبل کیمروں اور لیپ ٹاپس کا ڈیٹا ڈیلیٹ کرنے کی کوشش کی تھی، مرکزی ملزم ارمغان ہر تھوڑی دیر بعد جدید اسلحے سے فائرنگ کرتا رہا تاکہ پولیس اندر داخل نہ ہو۔پولیس ذرائع نے بتایا تھا کہ اس دوران ارمغان کمرے میں رکھے کمپیوٹر کو بھی استعمال کرتا رہا۔ ارمغان کمپیوٹر سے ڈیٹا ڈیلیٹ یا منتقل کررہا تھا۔ذرائع کا کہنا ہے کہ مرکزی ملزم چھاپے کے وقت کیمرے میں پولیس کو دیکھتا رہا، چھاپے کے وقت ارمغان کیساتھ ایک لڑکی بھی موجود تھی۔ ارمغان نے لڑکی پر تشدد کرنا شروع کردیا کہ تم پولیس لائی ہو، پولیس پر فائرنگ کرنے کے بعد ارمغان نے لڑکی کو کمرے سے باہر نکال دیا تھا۔ویڈیوز میں پولیس کو ارمغان کے گھر کے باہر اور اندر داخل ہوتے ہوئے دیکھا جاسکتا ہے۔
اہم خبریں سے مزید