فرمان الہی
نماز کے اوقات
کراچی(اسٹاف رپورٹر)انگلش فاسٹ بولر گس ایٹکنسن نے کہا ہے کہ پاکستان میں کھیلنے کے لیے کافی پُرجوش ہوں، یہاں آکر بڑی خوشی ہوئی، اس سے پہلے پی ایس ایل کیلئے آچُکا ہوں۔ موسم سے ہم آہنگ ہونے کی کوشش کی، انگلینڈ کی نسبت موسم کافی گرم ہے۔ محمد رضوان اور شاہین سمیت پاکستان کے پاس کچھ زبردست کھلاڑی ہیں، ابھی میں نے یہ فیصلہ نہیں کیا کہ کس کھلاڑی کو ٹارگٹ کرنا ہے ، زیادہ سے زیادہ وکٹس لینے اور رنز بنانے کی کوشش کروں گا۔ اتوار کو ملتان میں پریس کانفرنس میں اُنہوں نے کہا کہ ہم نے بڑے بہترین ٹریننگ سیشن کیے ، کنڈیشنز مختلف ہیں مگر کچھ زیادہ مختلف کرنے کی کوشش نہیں کریں گے۔ جو کھلاڑی یہاں آکر کھیل چُکے ہیں ان سے بھی بات چیت کی ہے اور میں اپنے انداز سے کھیل کر بہترین کرنے کی کوشش کروں گا۔ انجریز کی وجہ سے کچھ سینئر کھلاڑیوں کو مس کر رہے ہیں مگر ہمارے پاس تجربہ کار کرس ووکس سمیت کچھ نوجوان بو لرز بھی موجود ہیں۔ اُنہوں نے مزید کہا کہ بارمی آرمی کو یہاں دیکھ کر اچھا لگا۔
