فرمان الہی
نماز کے اوقات
کراچی (اسٹاف رپورٹر) آئی سی سی چیئرمین جے شاہ نے ورلڈ ٹیسٹ چیمپئن شپ کے پرومو کو ذاتی تشہیر کے لئے استعمال کیا جس پر انہیں تنقید کا سامنا ہے۔ سنچری میکر ماکرم سے زیادہ جے شاہ کی جھلک دکھائی گئی ہے۔لارڈز کے فائنلکے بعد پیر کوآئی سی سی نے سوشل میڈیا پر فائنل کے حوالے سے ایک پرومو جاری کیا ۔ جسے دیکھ کر شائقین یہ کہنے پر مجبور ہوگئے کہ یہ پرومو ورلڈ ٹیسٹ چیمپئن شپ کے فائنل کا تھا یا جے شاہ کا، ان کی وہاں پر موجودگی سے ان کی ذاتی تشہیر کی گئی۔ اس 45 سیکنڈز کی وڈیو میں مجموعی طور پر 23 مختلف شاٹس ہیں جس میں جے شاہ کو گیارہ بار دکھایا گیا ہے ۔ مجموعی طور پر جنوبی افریقی ٹیم اور اس کے کھلاڑی اتنی ہی باروڈیو میں جگہ پا سکے ۔ فاتح کپتان ٹیمبا باووما کی جھلک پانچ مرتبہ ، سنچری میکر مارکرم کو صرف دو بار اور پیٹ کمنز کو تو صرف ایک بار ہی وڈیو میں جگہ مل سکی ۔ سوشل میڈیا پر صحافیوں اور فینز نے آئی سی سی اور جے شاہ کو اس معاملے پر آڑے ہاتھوں لیا ہے۔
