• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کینیڈا: اسرائیلیوں کی عید کے دن یہودی اسکول پر فائرنگ

آج کا اخبار
یورپ سے
14 اکتوبر ، 2024
ٹورنٹو (نیوز ڈیسک) کینیڈا میں ایک یہودی اسکول پر نامعلوم مسلح افراد نے فائرنگ کردی تاہم اسکول بند ہونے کی وجہ سے کوئی جانی نقصان نہیں ہوا البتہ عمارت کو نقصان پہنچا ہے۔عالمی خبر رساں ادارے کے مطابق کینیڈا کے شہر ٹورنٹو میں یہودی اسکول پر اُس دن فائرنگ کی گئی جب وہ اپنا مذہبی تہوار یوم کپور منا رہے ہیں۔ یہودی اسکول پر فائرنگ کرنے والے بآسانی فرار ہوگئے اور تاحال پولیس حملہ آوروں کا سراغ لگانے میں ناکام ثابت ہوئی ہے۔ یاد رہے کہ غزہ پر جاری اسرائیلی جارحیت کے بعد سے اس یہودی اسکول پر فائرنگ کا یہ دوسرا واقعہ ہے۔ کینیڈا کے وزیراعظم جسٹن ٹروڈو نے کہا کہ دہشت گردی کے واقعے پر پریشان ہوں۔ اسکول میں پڑھنے والے بچوں کے والدین سے اظہار یکجہتی کرتا ہوں۔ یہودی تنظیم ‘بنائے برتھ کینیڈا’ کی ایک رپورٹ میں انکشاف کیا گیا ہے کہ 2022کے مقابلے میں 2023میں یہود مخالف واقعات میں دو گنا اضافہ ہوا ہے۔
یورپ سے سے مزید