آئینی ترمیم: مولانا نے جے یو آئی کی پارلیمانی پارٹی کا اہم اجلاس آج بلا لیا

جمعیت علمائے اسلام کی پارلیمانی پارٹی کا اہم اجلاس آج شام طلب کر لیا گیا۔

ذرائع کے مطابق اجلاس شام 5 بجے مولانا فضل الرحمٰن کی رہائش گاہ پر ہو گا، جس میں مجوزہ آئینی ترمیم پر بات چیت کی جائے گی۔

اجلاس میں مولانا فضل الرحمٰن حکومتی رہنماؤں سے ملاقات پر گفتگو کریں گے۔

ذرائع نے بتایا کہ مولانا فضل الرحمٰن پارلیمانی پارٹی کو اعتماد میں لیں گے۔

پی ٹی آئی وفد کا مولانا فضل الرحمٰن سے ملاقات کا امکان

دوسری جانب پی ٹی آئی وفد کا مولانا فضل الرحمٰن سے آج شام ملاقات کا امکان ہے۔

پی پی پی اور جے یو آئی کا فوجی عدالتوں پر تحفظات، اجلاس کی اندرونی کہانی سامنے آگئی

لاہور میں گزشتہ رات مسلم ن لیگ، پیپلز پارٹی اور جمعیت علمائے اسلام کے درمیان ہونے والے اجلاس کی اندرونی کہانی سامنے آگئی۔

ذرائع کے مطابق مولانا فضل الرحمٰن لاہور سے واپس پہنچنے کے بعد پی ٹی آئی قیادت کو آگاہ کریں گے۔

پی ٹی آئی وفد اور مولانا فضل الرحمٰن کی آئینی ترامیم مسودے پر مشاورت ہو گی۔