ٹرمپ کو ووٹ دیں یا کاملا ہیرس کو؟ پاکستانی کمیونٹی منقسم

امریکا میں صدارتی انتخابات کی مہم تیزی سے جاری ہے، امریکا میں پاکستانی کمیونٹی اس بار بھی منقسم ہے کہ ڈیموکریٹک امیدوار کو ووٹ دیں یا ری پبلکن امیدوار کو کامیاب کروائیں۔

پاکستانی امریکنز کی تنظیم پاک پیک نے صدارتی انتخابات میں ڈونلڈ ٹرمپ کی توثیق کی ہے۔

اپنے بیان میں پاکستانی امریکنز پبلک افئیرز کمیٹی کا کہنا ہے کہ وہ ڈونلڈ ٹرمپ کی تمام پالیسیوں سے تو متفق نہیں مگر سمجھتے ہیں کہ اگر ٹرمپ دوبارہ منتخب ہوئے تو پاکستان اور امریکا کے تعلقات مزید بہتر ہوں گے۔

انہوں نے دعویٰ کیا کہ ٹرمپ کے برعکس بائیڈن ہیرس انتظامیہ نے پاک امریکا تعلقات بہتر بنانے کی سنجیدہ کوششیں نہیں کیں۔

تاہم کئی دیگر سرکردہ پاکستانی شخصیات کاملا ہیرس کو بہتر امیدوار سمجھتی ہیں اور کاملا ہیریس کی جیت یقینی بنانے کے لیے انکی مہم میں پیش پیش بھی ہیں۔