بانیٔ پی ٹی آئی کی انسدادِ دہشت گردی عدالت میں 3 درخواستیں دائر

بانیٔ پی ٹی آئی کے وکلاء نے راولپنڈی کی انسدادِ دہشت گردی کی عدالت میں 3 درخواستیں دائر کر دیں۔

درخواستیں جج امجد علی شاہ کی انسدادِ دہشت گردی کی عدالت میں جمع کرائی گئی ہیں۔

درخواستیں بیٹوں سے ٹیلیفون پر بات چیت، وکلاء کی ملاقات اور طبی معائنے سے متعلق ہیں۔

190 ملین پاؤنڈ کیس: بانیٔ پی ٹی آئی، بشریٰ بی بی کی درخواستِ بریت، سماعت 24 اکتوبر کو مقرر

190 ملین پاؤنڈ کیس میں بانیٔ پی ٹی آئی اور بشریٰ بی بی کی بریت کی درخواستوں پر 24 اکتوبر کو سماعت ہو گی۔

یہ درخواستیں ملک فیصل ایڈووکیٹ کی جانب سے دائر کی گئی ہیں جن میں استدعا کی گئی ہے کہ بانیٔ پی ٹی آئی سے وکلاء کی ملاقات کرائی جائے۔

ایک درخواست میں کہا گیا ہے کہ جی ایچ کیو حملہ کیس سے متعلق ہدایات لینی ہیں، 2 ماہ سے بانیٔ پی ٹی آئی کی بچوں سے بات چیت نہیں کرائی گئی۔

درخواست میں مؤقف اپنایا گیا ہے کہ یہ آئینی حق ہے، گفتگو کرانے کا حکم دیا جائے، طویل عرصے سے بانیٔ پی ٹی آئی کے ذاتی معالج کو معائنے کی اجازت نہیں دی جا رہی۔