فرمان الہی
نماز کے اوقات
کراچی (اسٹاف رپورٹر) پاکستان کو پاکستان میں بدترین شکست دینے والی بنگلہ دیشی کرکٹ ٹیم کو ہوم گراؤنڈ پر جنوبی افریقا کے ہاتھوں شرم ناک شکست کا سامنا کرنا پڑا۔ چٹوگرام میں دوسرے ٹیسٹ میں جنوبی افریقا نے ایک اننگز اور 273 رنز سے کامیابی حاصل کی۔ جمعرات کو میچ کے تیسرے دن میزبان ٹیم کے 16 وکٹ گرے۔ جنوبی افریقا کے پہلی اننگز کے اسکور 575 رنز کے جواب میں بنگلہ دیشی ٹیم پہلی اننگز میں159 رنز بناکر آؤٹ ہوگئی۔ فالوآن کے بعد دوسری اننگز میں143 رنز بناکر آؤٹ ہوگئی۔ دوسری اننگز میں کیشو مہاراج نے59 رنز دے کر پانچ اورموتھو سامی نے45 رنز کے عوض چار کھلاڑیوں کو آؤٹ کیا۔
