فرمان الہی
نماز کے اوقات
کراچی (اسٹاف رپورٹر) سکھن پولیس نے روڈ نمبر 12پیرانو پل کے قریب مبینہ مقابلے کے بعد ملزم ساجد جمال الدین کو زخمی حالت میں گرفتار کرکے 30بور پسٹل ، 3موبائل فونز، موٹر سائیکل، اور نقدی برآمد کرلی ، رضویہ سوسائٹی پولیس نے گولیمار جہاز چورنگی کے قریب مبینہ مقابلہ کے بعد ملزم محمود ریاض کو زخمی حالت میں گرفتار کرکے پسٹل 30 بور ، موبائل فون اور موٹر سائیکل برآمد کر لی ،ساتھی فرار ہوگیا ، تھانہ زمان ٹاؤن پولیس نے مبینہ طور پراسٹریٹ کرائم اورموٹر سائیکل لفٹنگ میں ملوث 2ملزمان شعیب اور عمران علی کو گرفتار کر کے 3مسروقہ موٹر سائیکلیں برآمد کرلیں ،شرافی گوٹھ پولیس نے مرتضیٰ چورنگی کے قریب مبینہ طور پر اسٹریٹ کرائم کی وارداتوں میں ملوث 2ملزمان زاہد اور سیاب کو گرفتار کرکے30بور پسٹل، 2موبائل فونز اور نقد رقم برآمد کرلی ۔
