• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چار گاڑیاں، 23 موٹر سائیکل غائب، پارک میں فوٹو شوٹ، دولہا دلہن کو لوٹ لیا گیا

میرا شہر
اسلام آباد
05 نومبر ، 2024
اسلام آباد ( ایوب ناصر، خصوصی نامہ نگار ) جڑواں شہروں میں ڈکیتی، سرقہ بالجبر ، سٹریٹ کرائم،نقب زنی اور چوری کی 72 وارداتوں میں نقدی ، زیورات دیگر قیمتی سامان کے علاوہ ، 4 کاریں، ایک رکشہ، 23موٹر سائیکل، 25 موبائل فون اور دو گائے اڑا لی گئیں۔آئی ایٹ کچنار پارک میں فوٹو شوٹ کے لئے آئے دولہا دلہن سے دو لاکھ روپے ، موبائل فونز اور زیورات چھین لئے گئے۔ 3 موٹر سائیکل،15 موبائل فون اور لاکھوں کی نقدی اسلحہ کی نوک پر جبکہ 9 موبائل فون جھپٹا مار کر چھین لئے گئے۔ 26 گھروں کے تالے ٹوٹ گئے اور چور نقدی اور زیورات کے علاوہ دیگر قیمتی گھریلو سامان لے اڑے۔تھانہ سول لائن کے علاقے گلستان کالونی میں مسز علی کے گھر سے 50لاکھ کے زیورات ، ڈھوک چراغ دین کے علاقے میں خاتون بی بی کے گھر سے ساڑھے گیارہ لاکھ کی نقدی، زیورات اور انعامی بانڈ ،تھانہ نصیر آباد کے علاقے ممتاز سٹی میں طارق جاوید کے گھر سے ساڑھے چودہ لاکھ کی نقدی، زیورات چوری ہو گئے ۔ تھانہ روات کے علاقے میں عدیل کی شاپ سے تین مسلح افراد 2 اڑھائی لاکھ روپے اور 6 قیمتی موبائل فون لے کر چلتے بنے ۔سکستھ روڈ پر محمد اقبال کا ساڑھے پانچ لاکھ کا ایمپلی فائر چوری ہوگیا۔ تھانہ سٹی کے علاقے میں پونے دو لاکھ روپے کی سٹریٹ لائٹس تار چوری کر لی گئی۔
اسلام آباد سے مزید