• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈینگی معائنہ اور سپرے کیلئے جانیوالی ٹیم پرتشدد،دو ملزم گرفتار

میرا شہر
اسلام آباد
05 نومبر ، 2024
راولپنڈی (اپنے رپورٹرسے)یونین کونسل رنیال کی گل افشاں کالونی کی گلی نمبر 12 میں ڈینگی معائنہ اور سپرے کیلئے جانیوالی ٹیم پر مالک مکان اور اس کے ساتھیوں نے حملہ کرکے تشدد کا نشانہ بنایا، موبائل بھی چھین کر توڑ دیا گیا۔محکمہ ہیلتھ کے استغاثہ پر دو ملزم پکڑے گئے ۔ ڈسٹرکٹ ہیلتھ آفیسر نے تھانہ دھمیال کو دی گئی درخواست میں بتایا کہ ڈینگی سپرے ٹیم نے ایک گھر کے دروازے پر دستک دی اندر سے ارباز ولد محمد ریاض آیا اور ٹیم سے بات کئے بغیر واپس چلا گیا، ٹیم بعد میں اگلے گھر گئی اور ارباز اپنے گھر سے نکلا اور اپنے ساتھ 15 کے قریب بندے لے کر ٹیم پر حملہ اور ہو گئے اور ٹیم ممبران کو راڈوں، گونسوں اور ڈنڈوں سے تشدد کا نشانہ بنایا ۔پولیس نے موقع سے دو افراد محمد ریاض اور شیر علی عرف شیرا کو گرفتار کیا جبکہ دیگر ارباز ولد ریاض عمیر ولد ساجد ، گل ولد عبدالقیوم اور دس نامعلوم موقع سے فرار ہو گئے۔ پولیس نے مقدمہ درج کر لیا۔
اسلام آباد سے مزید