فرمان الہی
نماز کے اوقات
کراچی(اسٹاف رپورٹر) لانڈھی ریلوے اسٹیشن کے قریب ٹرین کی زد میں آکر 20سالہ سونو میتھیو ولد جاوید میتھیو جاں بحق ہوگیا، منوڑہ بابا بھٹ کے قریب لانچ سے گر کر 50سالہ علی محمد ولد کریم جاں بحق ہوگیا، ریسکیو اہلکاروں نے لاش کوسمندر سے نکال کر اسپتال منتقل کیا،علاوہ ازیں نیو کراچی سیکٹر 5Eمیں واقع مکان سے55سالہ ریحان احمد خان عرف فوجی کی لاش ملی جسے گلہ دبا کر قتل کیا گیا تھا،پولیس کے مطابق مقتول غیر شادی شدہ اورپاکستان آرمی سے ریٹائرڈ ، گھر میں اکیلا رہائش پزیر ، نشہ کا بھی عادی تھا گھر میں دوست وغیرہ کا بھی آنا جانا لگا رہتا تھا ، پولیس موقع پرپہنچی تو لاش کے ہاتھ پائوں بندھے ہوئے اور گردن پر کپڑا لپٹا ہوا تھا،گلہ گھونٹ کر قتل کیا گیا ہے، نارتھ کراچی سیکٹر 7A میں واقع گھر سےمنیر احمد ولد عبدالرشید کی لاش ملی ، پولیس نے بتایا کہ متوفی کا آبائی تعلق ضلع بہالپور سے گھر میں اکیلا رہائش پزیر تھا اور دودھ کا کام کرتا تھا،گذشتہ ایک ہفتہ سے اسکی طبعیت ناساز تھی جس کے باعث وہ گھر سے نہیں نکلا تھا ، رات کو مکان مالک دروازہ پھلانگ کر گھر میں داخل ہوا تو دیکھا کہ وہ گھر میں گرا ہوا تھا۔
