فرمان الہی
نماز کے اوقات
کراچی (اسٹاف رپورٹر) پاکستان کے تمام کنٹونمنٹ بورڈز نے پیدائش اور اموات کے سرٹیفیکٹ، پراپرٹی ٹیکس کی چھوٹ، ڈائون لوڈ بل، ادائیگی کی تصدیق اور شکایات کی درخواستوں کے لیے سی بی کیئر موبائل ایپ اور پورٹل کا آغازکر دیا ، پیدائش اور اموات کے سرٹیفیکٹ، پراپرٹی ٹیکس ، ڈائون لوڈ بل سے متعلق رسائی آسان ہوگی،تفصیلات کے مطابق حکومت پاکستان کے ڈیجیٹل پاکستان پالیسی اور ملٹری لینڈز اینڈ کنٹونمنٹ (ایم ایل اینڈ سی) ڈیپارٹمنٹ کے مشن کے مطابق کنٹونمنٹ علاقوں کے رہائشیوں کے لیے شہری خدمات تک آسان رسائی فراہم کرنے کے لیے ایک نیا ڈیجیٹل انٹرفیس لانچ کیا گیا ہے سیکریٹری دفاع لیفٹیننٹ جنرل (ر) محمد علی نے راولپنڈی میں سی بی کیئر موبائل ایپ اور سی بی کیئر پورٹل کا افتتاح کیا جو ای۔ گورنس اور ڈیجیٹل ٹرانسفومیشن میں ایک اہم قدم ہےافتتاحی تقریب میں، سیکٹریٹری دفاع نے سروس کی فراہمی کو جدید بنانے اور عوام تک زیادہ قابل رسائی بنانے میں محکمے کی فعال کوششوںکو سراہا۔
