فرمان الہی
نماز کے اوقات
دکی( نامہ نگار)دکی میں مسلح افراد نے تعمیراتی کمپنی کے کیمپ پر حملہ کرکے مشینری جلا دی، حملےکے بعد 3مزدورلاپتہ ہیں ، پولیس ذرائع کے مطابق واقعہ منگل اوربدھ کی شب غزواس کے قریب پیش آیا‘ملزمان واردات کے بعد فرار ہوگئے ۔ تفصیلات کے مطابق دکی میں نامعلوم مسلح افراد نے تعمیراتی کیمپ پر حملہ کرکے مشینری کو آگ لگادی اورفرارہوگئے واقعہ کے بعد تین مزدور بھی لاپتہ ہیں پولیس کے مطابق دکی کے علاقے غڑواس کےقریب گزشتہ شب نامعلوم مسلح افراد نے دکی چمالنگ روڈ تعمیر کرنے والی کمپنی کےکیمپ پر حملہ کرکے مشینری ودیگر سامان کو آگ لگاکر نذرآتش کردیا جس سے جرنیٹر ودیگر سامان جل کرخاکستر ہوگیا جبکہ کیمپ سے 3مزدور نصیب اللہ ‘نورمحمد اورحکمت اللہ بھی لاپتہ ہےجن کاتعلق مریانی قبیلے سے ہے اوروہ کچلاک کے رہائشی ہیں واقعہ کے بعد ملزمان فرارہوگئے تاہم مزدوروں کے بارے میں معلوم نہ ہوسکا کہ لاپتہ ہیں یا انہیں اغواء کیاگیاہے مزید تفتیش پولیس کررہی ہے۔
