فرمان الہی
نماز کے اوقات
اسلام آباد ( نمائندہ جنگ، نیوز ایجنسیاں ) پی آئی اے کی نجکاری، دوبارہ سے اظہار دلچسپی طلب کرنیکی تجاویز پیش،نجکاری بورڈاجلاس‘ بلیوورلڈکی بولی مستردکرنیکی سفارش‘معاملہ کابینہ کمیٹی کو بھیجاجائیگا ،وفاقی وزیر نجکاری،سرمایہ کارای بورڈ اور مواصلات عبدالعلیم خان کی زیر صدارت پرائیویٹائزیشن کمیشن بورڈ کا اعلیٰ سطحی اجلاس منعقد ہوا جس میں پی آئی اے کی نجکاری سمیت مختلف امور پر غور کیا گیا اور اہم سفارشات کی منظوری دی گئی،اجلاس میں پی آئی اے کی نجکاری کیلئے دوبارہ سے اظہار دلچسپی طلب کرنے اور جی ٹو جی آپشن اختیار کرنے کی تجاویز سامنے آئی ہیں ،نجکاری بورڈنے پی آئی اے کے 60 فیصد حصص کے حصول کے لئے بلیو ورلڈ سٹی کنسورشیم کی جانب سے جمع کرائی گئی 10 بلین روپے کی بولی پر غور کیا اور بولی کو مسترد کرنے کی سفارش کی جبکہ پی آئی اے کی پرائیویٹائزیشن کے معاملے کو کابینہ کمیٹی کو بھجوانے کا فیصلہ ہوا۔ اجلاس کو نجکاری کے مختلف امور پر بریفنگ دی گئی اور اب تک کی صورتحال پر اطمینان کا اظہار کیا گیا۔ پرائیویٹائزیشن بورڈ اجلاس میں ممبران کی نجکاری کے عمل میں شرکت کیلئے تین رکنی کمیٹی قائم کرنے کا فیصلہ کیا گیا۔
