• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بائیڈن ٹرمپ ملاقات، اقتدار کی پرامن منتقلی پر اظہار تشکر

آج کا اخبار
اہم خبریں
14 نومبر ، 2024
کراچی (نیوز ڈیسک) نومنتخب امریکی صدر ڈونلڈ ٹرمپ اور موجودہ صدر جو بائیڈن نے وائٹ ہاؤس میں ملاقات کی اور اقتدار کی پرامن منتقلہ پر ایک دوسرے سے اظہار تشکر کیا، ادھر نومنتخب امریکی صدر ڈونلڈ ٹرمپ نے اپنی انتظامیہ کیلئے اہم نامزدگیاں کردی ہیں ، ٹی وی میزبان اور سابق فوجی پیٹ ہیگستھ کو وزیر دفاع نامزد کردیاجبکہ ایلون مسک حکومتی کارکردگی کی نگرانی کریں گی ، صیہونی نواز مائیک ہکا بی اسرائیل میں سفیرہوں گے ۔ تفصیلات کے مطابق نومنتخب امریکی صدر ڈونلڈ ٹرمپ اور موجودہ صدر جو بائیڈن کے درمیان وائٹ ہاؤس کے اوول آفس میں ملاقات ہوئی ہے، جس میں ٹرمپ نے جو بائیڈن سے کہا ہے کہ ’سیاست ایک مُشکل کام ہے،‘ اسی کے ساتھ ساتھ انھوں نے جو بائیڈن کا اقتدار کی پُر امن منتقلی کے لیے ان کا شکریہ ادا کیا جس پر جو باییڈن نے اُن کا جواباً شکریہ ادا کیا۔ٹرمپ کا ملاقات کے دوران کہنا ہے کہ ’میں اس تبدیلی کی بہت تعریف کرتا ہوں جو اتنی ہموار ہو، جتنی آسانی ہو سکے گی۔‘ اُن کا مزید کہنا تھا ’اکثر اوقات سیاست کی دُنیا اچھی نہیں ہوتی لیکن آج صورتحال قدرِ مختلف ہے۔‘دوسری جانب امریکا کے نو منتخب صدر ڈونلڈ ٹرمپ نے فاکس نیوز کے میزبان، مصنف اور سابق فوجی پیٹ ہیگستھ کو وزیر دفاع نامزد کر دیا۔ ڈونلڈ ٹرمپ اپنی ٹیم کی تشکیل میں مصروف ہیں اور انہوں نے مختلف عہدوں کے لیے افراد کا چناؤ شروع کر دیا ہے۔ غیر ملکی میڈیا کے مطابق امریکی نو منتخب صدر ڈونلڈ ٹرمپ نے فاکس نیوز کے میزبان اور سابق فوجی پیٹ ہیگستھ کو وزیر دفاع نامزد کیا ہے۔ رپورٹ کے مطابق 44 سالہ ہیگستھ عراق، افغانستان جنگ کےدوران امریکی فوج میں خدمات انجام دےچکےہیں اور اب اپنی پہلی سیاسی ذمہ داری میں وہ امریکا کے وزیر دفاع کی ذمہ داریاں سنبھالیں گے۔
اہم خبریں سے مزید